Penso

(Alidirektita el Pensado)
Penso
Penso
Aliaj projektoj
Wikipedia-logo-v2.svg Penso en Vikipedio
Commons-logo.svg Penso en Komuneja kategorio
Wiktionary-logo-eo.png Penso en Vikivortaro

Penso estas parto de pensa procezo.

Rodin TheThinker.jpg

Erich FrommRedakti

 
« Efektive ni scias kiel kaj kio okazas, sed ni ne scias por kio kaj kial. Ni havas multe da homoj kun bonaj kaj altaj intelektaj kapabloj, sed niaj testoj de intelekto difinas kapablon memorfiksi kaj rapide decidi, sed tute ne pensi. »
— Erich Fromm, La sana socio [1955]
 
« [pri la nuntempa demokratio] Tio estas la vera fremdiĝinta esprimo de la volo de la civitano. Li ion faras, fordonante sian voĉon, kaj restas en iluzio kvazaŭ li estas kreanto de tiuj decidoj kiujn li aprobas kaj kvazaŭ tiuj ĉi decidoj estus liaj propraj. Sed efektive ili plejparte estas difinataj de la fortoj, elirantaj trans la limoj de liaj scioj kaj eblecoj de kontrolo. Ne mirindas ke tia situacio naskas ĉe la ordinara civitano profundan senton de senpoveco en la politikaj aferoj (kvankam ĝi estas ne nepre konsciata) kaj ke sekve lia politika sagaco ĉiam pli malfortiĝas. Ĉar se veras ke necesas pensi antaŭ ol agi, do same veras ankaŭ ke se mankas ebleco agi, do ankaŭ la pensado magriĝas; alivorte se la homo ne povas efike agi, li ne povas ankaŭ produktive pensi. »
— Erich Fromm, La sana socio [1955]
 
« Libera homo neeviteble estas senigita je libereco, la pensanta homo neeviteble estas senigita je certeco»
— Erich Fromm, La sana socio [1955]

José Ortega y GassetRedakti

 
« Miro estas garantio de kompreno. Tio estas forto kaj riĉo de pensanta homo»
— José Ortega y Gasset, La ribelo de la amasoj (1930)
 
« Amasa pensado estas la pensado de tiuj, kiuj por ĉiu demando jam havas respondon, kio estas facile kaj tute kontentigas. Inverse, neordinareco evitas juĝi sen antaŭa intelekta penado kaj konsideras dignan je si nur tion, kio ankoraŭ estas neatingebla kaj postulas plian pensoflugon. »
— José Ortega y Gasset, La ribelo de la amasoj (1930)

Carl Gustav JungRedakti

 
« Sufiĉas nur malfermi teozofian libron por sufokiĝi je konscio, ke ĉio jam estas klarigita kaj ke la “spirita scienco” lasis tute neniujn enigmojn. Fakte tia pensado estas same negativa kiel la pensado materiisma. La sola diferenco estas ke materiismo limigas ĉion al la komprenebla por ni fiziologio, dum teozofio limigas ĉion al nocioj de la hinda metafiziko»
— Carl Gustav Jung, Psikologiaj tipoj
 
« Funkcia celo de la senso estas konkludi ke io ekzistas, pensado diras al ni kion signigfas tiu io, sento — kia estas ĝia valoro kaj intuicio supozas de kie ĝi aperis kaj kien sekvas. »
— Carl Gustav Jung, Psikologiaj tipoj
 
« Sin apogante sur sperton, mi nomis la ĉefaj psikologiaj funkcioj: …pensadon, senton, senson kaj intuicion… Do mi distingas la pensan, sentan, sensan kaj intuician tipojn. Ĉiuj el tiuj tipoj krome povas esti introvertaekstraverta… »
— Carl Gustav Jung, Psikologiaj tipoj
 
« [pri fonto de la prahistoria kredo je la spiritoj] La spiritoj estas nenio alia ol kion ni simple nomas la pensoj. La “pensoj” de la prahistoria homo, propre dirite, enkorpiĝas je imagoj, realeco de kiuj tiom grandas, ke li mem konstante miksas psikan realon kun la realo ekstera. »
— Carl Gustav Jung, Psikologiaj tipoj
 
« Schiller sentas kontraŭecon inter ambaŭ mekanismoj, kiuj liakaze estas la sensado kaj pensado, aŭ kiel li diras, “materio kaj formo” aŭ la “pasiva” kaj la “agema” substancoj (afekciado kaj aktiva pensado) [do inter la afekciado kaj aktiva pensado, kiu estas kontraŭo al la supre menciita reakcia pensado] kiel ion nerepacigeblan. “Distanco inter la sensado kaj pensado estas senfina kaj sendube per nenio povas esti plenigita”. “Tiuj du statoj estas kontraŭaj unu al alia kaj neniam povas unuiĝi”. »
— Carl Gustav Jung, Psikologiaj tipoj
 
« Konfuzo de simbolo kun vera realeco kondutis la homaron al ĝiaj dioj, do al realeco de la penso… »
— Carl Gustav Jung, Psikologiaj tipoj
 
« …tiom profunde radikanta afekcia vivo de la ekstravertulo estas pli facile diferencigebla kaj hejmigebla ol nekonscia pensado kaj fantazia sento, kiu kapablas havi danĝeran influon sur lian individuon. Nome pro tio tia homo ĉiam strebas vivi laŭeble pli aferece kaj emocie zorgi laŭeble malpli por ne rekonsciiĝi, ne ekkonscii siajn malbonajn pensojn kaj sentojn. »
— Carl Gustav Jung, Psikologiaj tipoj
 
« Kiu observas la ekstravertulon kaj juĝas pri li, tiu povas konfuzi rivelatajn de li sentadon kaj pensadon kun maldika kovrilo, nur iomere kovranta privatan intencon, malvarman kaj pripensitan. Kaj al tiu, kiu klopodas kompreni la introvertulon, facile povas veni penso, ke en li forta pasio kun peno estas bridata per videbla pensado. »
— Carl Gustav Jung, Psikologiaj tipoj
 
« Pensado postulas unuavice tempon, do homo pensanta ne havas eĉ eblecon konstante elbuŝigi siajn pensojn. »
— Carl Gustav Jung, Psikologiaj tipoj
 
« La vivo estas kaj stulta kaj plena je senco. Se ne ridi pri la unua kaj ne pensi pri la dua, ĝi iĝas banala. »
— Carl Gustav Jung, Arketipo kaj simbolo

Zamenhofa ProverbaroRedakti

 
« Antaŭ la lango laboru la cerbo. »
— Zamenhofa Proverbaro
 
« Pensoj iras trans limo sen pago kaj timo. »
— Zamenhofa Proverbaro
 
« Ŝerce dirite, cele pensite. »
— Zamenhofa Proverbaro

Diversaj aŭtorojRedakti

 
« Nur la pensemulo spertas sian vivon, je la senpensulo ĝi preterpasas. » « Wer aufhört, besser werden zu wollen, hört auf, gut zu sein. »
— Marie von Ebner-Eschenbach
 
« Estinta via menso iam streĉplivastita far iu nova ideo, neniam plu poste reakiros sian antaŭan dimension. »
— Oliver Wendell HOLMES
 
« La vortoj estas kiel okulvitroj, kiuj nebuligas ĉion, kion ili ne plividebligas. »
— Joseph JOUBERT
 
« Ununuraj pensaĵoj indaj esti esprimitaj ne povas esti aliaj ol ironiaj, polemikaj, sarkasmaj, kontraŭ la ĝenerala tendenco, kaj skandalaj. »
— Alain BADIOU
 
« Ĉion rompas potenco, kaj homon nigra penso. »
— Morteza Mirbaghian
 
« Kia via penso, tia via potenco. »
— Morteza Mirbaghian
 
« Por nigra penso en kapo, ne ekzistas blankiga sapo. »
— Morteza Mirbaghian

Vidu ankaŭRedakti