Ago

Ago
Aliaj projektoj
Ago en Vikipedio
Ago en Vikivortaro

Ago estas ekstera montro de ies forto aŭ kapablo; ĝenerala ideo pri efikprodukto.

Zamenhofa proverbaro

	« Kia ago, tia pago » — Zamenhofa proverbaro

	« Drinku tutajn tagojn, sed kontrolu viajn agojn » — Zamenhofa proverbaro

	« Koniĝas birdo laŭ flugo kaj homo laŭ ago » — Zamenhofa proverbaro

Erich Fromm

	« Ni elektas nek niajn problemojn, nek rezultojn de nia agado. Kio ja movas nin, kio nin devigas? — Sistemo, havanta nek celon, nek destinon ekster si mem kaj transformanta la homon je sia aldonaĵo. » — Erich Fromm, La sana socio [1955]

	« Profundan difinon de la burokrato donis Markso, dirinte ke burokrato traktas la mondon kien nuran objekton de sia agado. » — Erich Fromm, La sana socio [1955]

	« [pri la fino de Mezepoko] La homon, timigitan je ĵus akirita libereco, kaptis bezono dampi siajn dubojn kaj timojn helpe de febra agado. » — Erich Fromm, La sana socio [1955]

	« …ĉia agado, postulanta koncentriĝon de atento, ĉu tio estas laboro, ludo aŭ ripozo (ripozo ankaŭ estas tipo de la agado), vigligas kaj stimulas la homon, kaj ĉia agado, ne postulanta tion, lacigas. » — Erich Fromm, La sana socio [1955]

	« Kiom ajn malsaĝa kaj senmorala estu la ago, la homon regas nerezistebla strebo raciigi ĝin, tio estas pruvi al si mem kaj al la aliaj, ke liaj agoj estas diktitaj de la saĝo, racio aŭ almenaŭ de komuna moralo. Agi malsaĝe ne tiom malfacilas, sed la homo praktike ne povas ne doni al siaj agoj ŝajnigan aspekton de la racia motivado. » — Erich Fromm, La sana socio [1955]

	« Decida momento en la vidpunktoj de Lenin estis lia malkredo je spontaneaj agoj de laboristoj kaj kamparanoj, kaj ne kredis li je ili ĉar li ne kredis je la homo. » — Erich Fromm, La sana socio [1955]

« La manko de objektiveco rilate al fremdaj nacioj estas fifam-konata. De unu tago al la alia oni ŝajnigas ke alia nacio estas tute malmorala kaj diabla, dum nia propra nacio reprezentas ĉion bonan kaj noblan. Oni juĝas ĉiun agon de la malamiko per unu mezurilo, kaj la propran agon per alia. Eĉ bonaj agoj de la malamiko oni konsideras kiel indikilo de aparta diableco, celante trompi nin, dum niaj malbonaj agoj estas necesaj kaj pravigitaj per niaj noblaj celoj. (La Arto de Amo 1956) » — Erich Fromm, La sana socio [1955]

Diversaj aŭtoroj

	« Agado estas nura favo, oni gratas sin, tutsimple. » — Henry de Montherlant

	« Faru pli ol lernu. »   « יוֹתֵר מִלִּמּוּדְךָ עֲשֵׂה » — Miŝnao, Pirkej Avot 6

	« Agado estas la lasta rifuĝo por tiuj kiuj ne scipovas sonĝi. »   « Action is the last refuge of those who cannot dream. » — Oscar Wilde

Vidu ankaŭ

• Ripozo
• Laboro