Tempo

Tempo
Aliaj projektoj
Tempo en Vikipedio
Tempo en Komuneja kategorio
Tempo en Vikivortaro

Tempo estas la tuto de la daŭro, rigardata kiel senĉese fluanta de ia komenca ĝis ia fina punkto.

« De kiuj demandoj komencas la infano? La plej fruaj estas ligitaj al loko: “kie…?” La aliaj komencaj demandoj: “Kio estas tio?” kaj “Kio?” Videblas, kian rolon ludas en tiu ĉi periodo loko kaj identeco. Ili estas la unua, pri kio interesiĝas la infano. Nur fine de la tria jaro aperas demandoj kun “kial”, kaj eĉ pli poste — kun “kiam”, “kiom longe”, do la demandoj ligitaj al tempo. La infano tre malrapide alproprigas imagojn pri la tempo. » — Elias Canetti, Amaso kaj potenco [1960]

	« Ordo de la tempo reguligas ĉiujn formojn de kunlaboro. Oni povas diri, ke ĝi estas la unua atributo de ĉia formo de regado. Ĉia aperinta potenco, dezirante firmiĝi, enkondukas novan ordon de la tempo. » — Elias Canetti, Amaso kaj potenco [1960]

« La plej gravan influon sur kalkuladon de la tempo faris Kristo, li superis ĉi tie la dion mem, de kreado de la mondo fare de kiu kalkulas sian tempon la judoj. La romianoj kalkulis la tempon de la fondo de sia urbo — la metodo transprenita de ili de la etruskoj; en la okuloj de la tuta mondo tiu ĉi fakto ludis nemalgrandan rolon en la granda sorto de Romo. » — Elias Canetti, Amaso kaj potenco [1960]

« La reĝoj, regintaj en certaj periodoj de la tempo, enkorpigis en si la tempon de ĉiuj. Ilia morto — ĉu ĝi venis je natura vojo aŭ estis artefarite rapidigita pro la malfortiĝo de ilia vivoforto — ĉiam simbolis forfluon de certa parto de la tempo. Ili estis la tempo kaj inter unu reĝo kaj la alia venis sentempo; tiajn periodojn — interreĝadojn — homoj penis fari laŭeble plej mallongaj. » — Elias Canetti, Amaso kaj potenco [1960]

	« Same kiel troa tempo nutras inferon de neniofarado, la teknologiaj troaĵoj nutras la inferon de la milito. » — Jean Baudrillard, La Golfa milito ne okazis [1991]

	« Tempo estas mono. »   « Time is money. » — Angla proverbo

	« La tempo estas la plej bona cenzuro kaj la pacienco — la plej bona instruisto. » — Frédéric Chopin

	« Kiam venas vintra tempo, pli proksimiĝas printempo. » — Morteza Mirbaghian

	« Pri ĉiuj tempo juĝas, el tio neniu fuĝas. » — Morteza Mirbaghian

	« La tempo ĉiam malkaŝas la veron. » — Zamenhofa Proverbaro

	« Plej bona kuracisto estas la tempo. » — Zamenhofa Proverbaro

	« Tempo flatas, tempo batas. » — Zamenhofa Proverbaro

	« Tempo prenas, tempo pagas. » — Zamenhofa Proverbaro

	« Tempo toleras, sed vero aperas. » — Zamenhofa Proverbaro

	« Uzu tempon estantan, antaŭvidu estontan, memoru estintan. » — Zamenhofa Proverbaro