Bono

Bono
Aliaj projektoj
Bono en Vikipedio
Bono en Vikivortaro

Bono estas tio, kio estas bona, rigardata en abstrakta, absoluta maniero.

Jean Baudrillard

	« Tute evidentas ke la Okcidento ekrevis pri islama rekonstruado surbaze de absolute nova modelo, realigita en Orienta Eŭropo — pri demokratio, senhalte instaliĝanta en la landoj, venkitaj de la fortoj de la Bono. » — Jean Baudrillard, La Golfa milito ne okazis [1991]

	« La morala konscio pensas tiel: ĉar ni estas la Bono, do trafi nin povas nur la Malbono. » — Jean Baudrillard, La agonio de povo

	« Tio ke la homo “libera kaj klera” nepre elektos la Bonon, estas nia totala antaŭjuĝo… » — Jean Baudrillard, La agonio de povo

	« …al la bono la homo sentas nur strebon dum al la malbono — altiriĝon, kiun oni povas kompari kun seksa sento. Tio estas io subkonscia kaj pova. » — Jean Baudrillard, “La melankolia Nietzsche” [2002]

« …ni opinias ke ju da bono estas en la mondo, des malpli da malbono. Sed tio estas eraro, efektive ju pli da bono, des pli da malbono. Tio estas eĉ ne kontraŭdiro, tio estas problemo kaj problemo praktike nesolvebla. Eĉ pli, se elimini la tutan malbonon, do malaperos ankaŭ la bono… Efektive, eliminante la malbonon, ni eliminas tiun energion, danke al kiu ni evoluas. Ŝajnas al mi ke kie ekzistas nek bono, nek malbono — tie estas infero. » — Jean Baudrillard, “La melankolia Nietzsche” [2002]

Aliaj aŭtoroj

	« Malfacilas fari bonon al la homoj, ne farante ankaŭ al si mem certan malkomfortaĵojn. » — Joseph-Ignace Guillotin, Testamento

	« La juda vorto por la nocio “bona” origine signifis “manĝebla”. » — Jane Ellen Harrison, Epilegomena to the Study of Greek Religion [1921]

	« Malbono ĉiam venkos, ĉar bono estas stulta. »   « Evil will always triumph, because good is dumb. » — Dark Helmet en Spaceballs

	« La Mezepoko havis siajn idealajn tipojn por la bono kaj la malbono, sed ankaŭ ni ilin havas. Por ĝi tio estis armita kavaliro kaj nigra sorĉistino. Por ni tio estas homoj en blankaj ĥalatoj kaj malica psikopato. » — Thomas Szasz, La fabriko de frenezo [1970]

	« Tro da bono ne turmentas. » — Zamenhofa proverbaro

Vidu ankaŭ

• Malbono