Saĝo

Saĝo estas kapablo ĝuste juĝi pri situacio kaj konduti laŭ tiu juĝo.

Citaĵoj

^{NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.}

	« Humuro estas la ŝirmilo de saĝuloj. » — Erich KÄSTNER

	« Vi ne devus maljuniĝi antaŭ ol vi saĝiĝis. »   « Thou shouldst not have been old till thou hadst been wise. » — William Shakespeare, Reĝo Lear, Akto unua, sceno V (tradukis K. Kalocsay)

	« Saĝeco ne estas komunikebla. La saĝeco, kiun saĝulo provas komuniki sonas ĉiam kiel stulteco. »   « Weisheit ist nicht mitteilbar. Weisheit, welche ein Weiser mitzuteilen versucht, klingt immer wie Narrheit. » — Hermann Hesse, Sidarto

	« Saĝulo aŭdu kaj plimultigu sian scion, Kaj prudentulo akiros gvidajn kapablojn » — Sentencoj 1:5

	« Ju pli aĝa des pli saĝa. » — Proverbo

	« Malantaŭ la Ombro staras la Anima, kiu havas grandan povon je tentado kaj ĉarmigado. Ŝi ofte aperas en tro juna figuro kaj kaŝas per si, siavice, la arketipon de la Maljuna Saĝulo (magiisto, reĝo ktp). » — Carl Gustav Jung, Pri psikologio de trikstero

	« Ni estu scipovaj kaj saĝaj, kaj agu laŭ tio, kion ni vere kredas. »   « (angle) Let’s be knowledgeable and wise, and act on what we truly believe. » — Matthew McConaughey

	« Gardu min for de la saĝo, kiu ne ploras, de la filozofio, kiu ne ridas, kaj de la grandeco, kiu ne kliniĝas antaŭ infano. » — Ĝibran Ĥalil Ĝibran

	« La filozofioj de unu epoko fariĝis absurdaĵoj de la sekva, kaj la malsaĝeco de hieraŭ fariĝis la saĝo de morgaŭ. »   « (angle) The philosophies of one age have become the absurdities of the next, and the foolishness of yesterday has become the wisdom of tomorrow. » — William Osler

	« Neniam rezignu! estas pli saĝe kaj pli bone Ĉiam esperi, ol unufoje malesperi. »   « (angle) Never give up! it is wiser and better Always to hope, than once to despair. » — Martin Farquhar Tupper

	« Plej bone estas saĝe ami, sendube; sed ami malsaĝe estas pli bone ol tute ne povi ami. »   « (angle) It is best to love wisely, no doubt; but to love foolishly is better than not to be able to love at all. » — William Makepeace Thackeray

	« Estas malprudente esti tro certa pri propra saĝo. Estas sana esti memorigita, ke la plej fortaj povus malfortiĝi kaj la plej saĝaj povus erari. » — Mohandas Karamchand Gandhi

	« Ĉiu viro estas diabla malsaĝulo dum almenaŭ kvin minutoj ĉiutage; saĝo konsistas en ne superi la limon. »   « (angle) Every man is a damn fool for at least five minutes every day; wisdom consists in not exceeding the limit. » — Elbert Hubbard

	« La vojo al saĝo? - Nu, ĝi estas glate kaj simple esprimebla: Erari kaj erari kaj erari denove sed malpli kaj malpli kaj malpli. » — Piet Hein

	« Estas periodoj, kiam... kuraĝi, estas la plej alta saĝo. »   « (angle) There are periods when...to dare, is the highest wisdom. » — William Ellery Channing

	« Saĝo ne eniras en malican menson, kaj scienco sen konscienco estas nur ruino de la animo. » — François Rabelais

	« Ironio estas la gajeco de pripensado kaj la ĝojo de saĝo. » — Anatole France

	« Konstanta kaj ofta demandado estas la unua ŝlosilo al saĝo... Ĉar per dubado ni estas gvidataj esplori, kaj per esploro ni perceptas la veron. » — Peter Abelard

	« Filozofo estas amanto de saĝo, ne de scio, kiu malgraŭ ĉiuj siaj grandaj uzoj finfine suferas pro la kripliga efiko de efemereco. Ĉiu scio estas pasema, ligita al la mondo ĉirkaŭ ĝi kaj submetata al ŝanĝo dum la mondo ŝanĝiĝas, dum saĝo, vera saĝo estas eterna, neŝanĝebla. » — Shashi Tharoor

	« Estu saĝa; Ŝvebu ne tro alte, por fali; sed kliniĝu por supreniri. »   « (angle) Be wise; Soar not too high, to fall; but stoop to rise. » — Philip Massinger

	« Historio instruas nin ke homoj kaj nacioj kondutas saĝe post kiam ili elĉerpis ĉiujn aliajn alternativojn. » — Abba Eban

	« La plej malĝoja aspekto de la vivo nun estas, ke scienco kolektas sciojn pli rapide ol socio kolektas saĝon. » — Isaac Asimov

	« La tuta homa saĝo resumiĝas per ĉi tiuj du vortoj: Atendu kaj esperu!. » — Alexandre Dumas (patro), La grafo de Montekristo (1844) ĉapitro 117

	« Estas io dolĉa kaj trankviliga kaj ĉefe saĝa, en tio, kion la homoj de la mondo nomas enuo. »   « (hispane) Hay algo de dulce y sosegador y sobre todo de sabio, en eso que los hombres de mundo llaman aburrirse. » — Miguel de Unamuno

	« Tiu, kiu komencis, duone faris. Aŭdacu esti saĝa; komencu! » — Horacio

	« Feliĉo kaj Prospero estas nun ene de nia Atingo; sed atingi kaj konservi ilin devas dependi de niaj propraj Saĝo kaj Virto. »   « (angle) Happiness and Prosperity are now within our Reach; but to attain and preserve them must depend upon our own Wisdom and Virtue. » — George Mason

« La Informa Epoko ofertas multon al la homaro, kaj mi ŝatus pensi, ke ni atingos la defiojn, kiujn ĝi prezentas. Sed estas grave memori, ke informoj - en la senco de krudaj datumoj - ne estas scio, ke scio ne estas saĝo kaj ke saĝo ne estas prudento. Sed informoj estas la unua esenca paŝo al ĉiuj ĉi tiuj. »   « (angle) The Information Age offers much to mankind, and I would like to think that we will rise to the challenges it presents. But it is vital to remember that information — in the sense of raw data — is not knowledge, that knowledge is not wisdom, and that wisdom is not foresight. But information is the first essential step to all of these. » — Arthur C. Clarke

	« Neniu viro estas sufiĉe granda aŭ sufiĉe saĝa por ke iu el ni transcedu nian destinon. La sola maniero per kiu iu povas gvidi nin estas redoni al ni la kredon je nia propra gvidado. »   « (angle) No man is great enough or wise enough for any of us to surrender our destiny to. The only way in which anyone can lead us is to restore to us the belief in our own guidance. » — Henry Miller

	« Estas du celindaj aferoj en la vivo: unue, akiri tion, kion vi volas; kaj, post tio, ĝui ĝin. Nur la plej saĝaj el la homoj atingas la duan. »   « (angle) There are two things to aim at in life: first, to get what you want; and, after that, to enjoy it. Only the wisest of mankind achieve the second. » — Logan Pearsall Smith

	« Saĝa viro devas ne deziri loĝi en lando kie viroj havas pli da aŭtoritato ol leĝoj. »   « (angle) A wise man ought not to desire to inhabit that country where men have more authority than laws. » — Walter Raleigh

Erich Fromm

	« Saĝo estas kapablo de la homo mense ekkoni la mondon kontraŭe al la intelekto, kiu estas nura kapablo manipuli la universon de la aĵoj per pensado. Saĝo estas la ilo de la homo por ekkonado de la vero, la intelekto estas la ilo por pli sukcesa traktado de la mondo; la unua estas homeca laŭ sia esenco, la dua apartenas al la besta en la homo. » — Erich Fromm, La sana socio [1955]

	« Kiom ajn malsaĝa kaj senmorala estu la ago, la homon regas nerezistebla strebo raciigi ĝin, tio estas pruvi al si mem kaj al la aliaj, ke liaj agoj estas diktitaj de la saĝo, racio aŭ almenaŭ de komuna moralo. Agi malsaĝe ne tiom malfacilas, sed la homo praktike ne povas ne doni al siaj agoj ŝajnigan aspekton de la racia motivado. » — Erich Fromm, La sana socio [1955]

	« Maŝino povas reprodukti aŭ eĉ superi la intelekton, sed ĝi ne kapablas reprodukti la saĝon. » — Erich Fromm, La sana socio [1955]

	« Etiko, almenaŭ en kompreno de la heleno-judo-kristana civilizo, estas neapartigebla de la saĝo. » — Erich Fromm, La sana socio [1955]

Proverbaro Esperanta

	« Saĝo abunda, sed ne profunda. » — Proverbaro Esperanta

	« Malsaĝulo diris vorteron, saĝulo komprenas la tutan aferon. » — Proverbaro Esperanta

Vidu ankaŭ

• Intelekto
• Stulteco