Malfermi la ĉefan menuon
Idealo
Aliaj projektoj
Wikipedia-logo-v2.svg Idealo en Vikipedio
Wiktionary-logo-eo.png Idealo en Vikivortaro

Idealo estas la plej alta perfekteco, kiun oni povas imagi, sed neniam plene atingi; tio kion oni rigardis la plej nobla celo, k al kio oni strebas.

Citaĵo
« En komunumoj, fremdaj al amaseco, komunaj celo, ideo aŭ idealo servas kiel sola interligo, kio mem jam ekskludas multnombrecon. »
— José Ortega y Gasset, La ribelo de la amasoj (1930)
Citaĵo
« Orientiĝo malantaŭen mem jam estas postrestaĵo de la antikva pensmaniero; konate estas ke karaktera trajto de la antikva kaj barbara pensmanieroj estas supozo, kvazaŭ la malbonan nuntempon antaŭis la ora epoko kaj paradiza stato. Kaj nur kristanismo faris tiun grandan agon en la socia sfero kaj en la historio de la homa spirito, doninte esperon je estonteco kaj tiel promesinte al la homaro eblecon estonte plenumi siajn idealojn. »
— Carl Gustav Jung, Psikologiaj tipoj
Citaĵo
« Senidealulo eĉ ne devus esti konsiderata kiel homo, ĉar la homeco ĉefe konsistas en la intelekta kapablo imagi perfekton — idealon. »
— Vortoj de Kamarado E. Lanti
Citaĵo
« En epoko, kiam monavidemo, koruptado, k mallojalo faras detruan laboron en ĉiuj medioj, idealismo en niaj vicoj estas pli necesa ol iam ajn, ol ie ajn; ĝi eĉ estas nepre necesa kondiĉo por la sukceso de nia movado»
— Vortoj de Kamarado E. Lanti