Opinio

Opinio estas maniero pensi aŭ juĝi, bazita ne sur scienca aŭ filozofia rezonado, sed sur propraj personaj konsideroj.

Opinio
Opinio
Aliaj projektoj
Opinio en Vikipedio
Opinio en Komuneja kategorio
Opinio en Vikivortaro

Erich Fromm

	« Demandu ordinaran leganton de ĵurnalo, kion li pensas pri iu politika problemo, kaj li prezentos al vi kiel “propran” opinion pli aŭ malpli ĝustan rerakonton de la legita; sed ĉe tio — kio estas sola por li grava afero — li kredas, kvazaŭ ĉio dirita de li estas rezulto de lia propra pensado. » — Erich Fromm, Fuĝo for de libereco [1941]

	« Kiel povas la homoj esprimi “sian” volon, se ili havas nek propran volon, nek opiniojn, se ili estas fremdiĝintaj aŭtomatoj, kies gustojn, opiniojn, elektojn manipulas povaj “mekanismoj”, alĝustigantaj ĉion ĉi al certa normo? » — Erich Fromm, La sana socio [1955]

	« Sed rajto esprimi siajn pensojn havas sencon nur en tiu kazo, se ni kapablas havi proprajn pensojn; libereco de la ekstera potenco iĝas firma posedaĵo nur en tiu kazo, se internaj psikologiaj kondiĉoj ebligas al ni firmigi nian individuecon. » — Erich Fromm, Fuĝo for de libereco [1941]

José Ortega y Gasset

	« …nemalhavebla rajto pri propra opinio sen iuj ajn antaŭaj penoj por krei ĝin, ĝuste atestas tiun absurdan staton de homo, kiun mi nomas “amasa indigno”. Tio estas hermetikeco, enfermiĝo de animo. Ĉi-kaze — hermetikeco de konscio. » — José Ortega y Gasset, La ribelo de la amasoj (1930)

	« Plejparto de la homoj ne havas propran opinion kaj necesas ke ĝi eniru en ilin de ekstere sub premo kiel ŝmiraĵo en mekanismon. » — José Ortega y Gasset, La ribelo de la amasoj (1930)

Aliaj aŭtoroj

	« Ne tiom absurdas, kiel ŝajnas, ke homoj pretas morti por butono, por flago, por vorto, por opinio, por mito ktp. Inverse, la plej senracie estas fordoni la vivon por ion, kion indas havi. » — Eric Hoffer, La vera kredanto [1951]

	« Estas nur pri aferoj kiuj ne interesas nin, ke ni povas havi senpartieman opinion, sendube tial senpartiemaj opinioj ĉiam senvaloras. »   « It is only about things that do not interest one that one can give really unbiased opinions, which is no doubt the reason why an unbiased opinion is always valueless. » — Oscar Wilde

	« Kiel ĉiuj feblaj viroj li tro emfazis la neŝanĝemon de sia opinio. »   « Like all weak men he laid an exaggerated stress on not changing one's mind. » — William Somerset Maugham, Of Human Bondage (1915)

Vidu ankaŭ

• Publika opinio