Kuraĝo

Kuraĝo
Aliaj projektoj
Kuraĝo en Vikipedio
Kuraĝo en Komuneja kategorio
Kuraĝo en Vikivortaro

Kuraĝo estas firmeco de la koro antaŭ danĝero, trankvila energio antaŭ malfacilaĵoj, penoj ks.

Eric Hoffer

	« Ni estas oble pli kuraĝaj kiam ni batalas por la troa, ol kiam ni luktas por la necesa. Do ofte, komencinte rezigni pri la troa, ni komencas perdi ankaŭ la necesan. » — Eric Hoffer, La vera kredanto [1951]

« La samaj rusoj, sklavemaj antaŭ la Stalina sekreta polico, montris — unuope aŭ grupe — neimageblan kuraĝon antaŭ vizaĝo de la invadintaj nazioj. Kialo de tiu, je la unua rigardo, kontraŭdira konduto konsistas ne en tio, ke la “organoj” de Stalin estis pli kruelaj ol la armeo de Hitlero, sed en tio, ke antaŭ vizaĝo de la Stalin-ekzekutistoj la rusa homo sentis sin nura eta individuo, dum antaŭ la vizaĝo de la germanoj li sentis sin ano de la povega nacio kun glora pasinteco kaj eĉ pli glora estonteco. » — Eric Hoffer, La vera kredanto [1951]

« La malsukcesintoj pri ĉiutagaj aferoj kutime estas allogataj de la neebla — tio estas rimedo maski sian neplenvalorecon, ĉar kiam ni fiaskas dum provo atingi la eblan, la kulpo estas nur nia, sed kiam ni fiaskas ĉe la neeba, ni povas klarigi tion per komplikeco kaj malfacileco de la tasko. Ĉe provo atingi la neeblan estas malpli da ŝancoj diskreditigi sin ol ĉe la provo atingi la eblan. El tio sekvas unu el konkludoj: fiasko pri ĉiutagaj aferoj ofte naskas senliman kuraĝon. » — Eric Hoffer, La vera kredanto [1951]

« Kiam nacio ĉesas pasie strebi al io aŭ kiam celo de ĝiaj streboj iĝas konkreta kaj limigita, potencialo de ĝia kuraĝo falas. Nur celo, kiun oni povas ĉiam perfektigadi, konservas potencialon de la nacia kuraĝo eĉ tiam, kiam deziroj de la nacio ĉiam plenumiĝas. Ĉe tio la celo ne nepre devas esti tro alta. Malnobla idealo de senĉese kreskanta vivnivelo konservis la usonan nacion kiel sufiĉe kuraĝan. Angla idealo de terposedanto kaj la franca — de rentulo — estas konkretaj kaj limigitaj. Tiu ĉi konkreteco de la naciaj idealoj verŝane estas ligita al malkresko de energioj de ambaŭ nacioj. En Usono, Rusio kaj Germanio idealoj estas nekonkretaj kaj nelimigitaj. » — Eric Hoffer, La vera kredanto [1951]

Zamenhofa proverbaro

	« Kuraĝa mieno antaŭ propra kameno. » — Zamenhofa proverbaro

	« Kuraĝe li staras, kiam muro lin baras. » — Zamenhofa proverbaro

	« Kuraĝo ĉion atingas. » — Zamenhofa proverbaro

	« Post la fino de l' batalo estas multe da kuraĝuloj. » — Zamenhofa proverbaro

Aliaj

	« Kuraĝo signifas scii kion ne timi. » — Platono

	« Estro devas havi la kuraĝon agi kontraŭ la konsilo de fakuloj. »   « A leader must have the courage to act against an expert's advice. » — James Callaghan

	« Kuraĝon, homofratoj de ĉiu haŭtkoloro -/ la tempmiraĝo, kiu disigis nindamninde,/ nin fine rekunigos!/ Kaj dume, palpe blinde,/ ni venas, iras, eroj en ĉeno, kies finon/ ne formas ni nek vidos. Kuraĝon kaj obstinon! » — William Auld, La Infana Raso, Ĉapitro 1

Vidu ankaŭ

• Malkuraĝo