Historio

Historio estas scienco pri la kronologio de la pasintaj okazaĵoj de la homaro kaj de la sociaj faktoj.

Citaĵoj

Jean Baudrillard

	« Historio estis forta mito, eble lasta granda mito kune kun nekonscia. » — Jean Baudrillard, Simulakroj kaj simulaĵoj [1981]

	« Ekzistis socioj kiuj vivis sen la sociala, same kiel sen la historio. » — Jean Baudrillard, En la ombro de la silentema plejmulto [1982]

Emil Cioran

	« Deliro de malriĉuloj estas prapatro de ĉiaj eventoj, origine de la historio. » — Emil Cioran, Historio kaj utopio [1960]

	« …kiu turnis rigardon al sia propra historio, tiu restos malĝoja spektanto. » — Emil Cioran, Falo en la tempon [1964]

	« Jam tio ke en la socio oni ekokupiĝis pri la historio, parolas pri ĝia certa etapo: kiel diris Erwin Reisner, la historia konscio venas kune kun zorgiĝo pri ĝia proksima subiro. » — Emil Cioran, Falo en la tempon [1964]

	« Ĉu vere povas esti, ke tiom da nenomeblaj afliktoj malaperintus lasinte neniom d spuro tiel, kiel polvo aŭ fumo? Ĉu ne estas homoj naskitaj por retrovi la spuron de la estingiĝintaj malgajoj, ke ili povu doni al ili esprimon, kaj elaĉeti la senfinan amarecon de tiom d sennomaj ekzistadoj? » — Emil Cioran

Erich Fromm

	« Alivorte la socio realigas ne nur funkcion de subpremado, kvankam ankaŭ ĝin, sed ankaŭ funkcion de kreado de la personeco. Homa naturo — pasioj de la homo kaj liaj anksioj — estas produkto de kulturo; fakte la homo mem estas la plej grava atingo de tiuj senĉesaj homaj klopodoj, kies registron ni nomas la historio. » — Erich Fromm, Fuĝo for de libereco [1941]

	« …historio de la homaro estas historio de konflikto kaj malordo. » — Erich Fromm, Fuĝo for de libereco [1941]

	« Historio de Eŭropo kaj Ameriko ekde la fino de mezepoko estas historio de kompleta apartiĝo de individuo. Tiu procezo komenciĝis en Italio en la epoko de la Renesanco kaj evidente atingis sian pinton nur nun. » — Erich Fromm, Fuĝo for de libereco [1941]

Henry Kissinger

	« Studado de la historio de donas gvidilon, aplikeblan aŭtomate. La historio instruas sur ekzemploj, montrante eventualajn sekvojn de similaj situacioj. Sed ĉiu generacio devas decidi memstare, kiuj el la cirkonstancoj efektive estas similaj. » — Henry Kissinger, Diplomatio [1994]

	« [pri generacio formiĝinta post la Malvarma milito] Estante produkto de edukado, kiu malmulte atentas historion, ĝi ofte havas neniujn vidpunktojn pri la internaciaj aferoj. » — Henry Kissinger, Ĉu Usono bezonas eksteran politikon?: Al diplomatio de la 21-a jarcento [2001]

« [pri nuntempo] Studadon de historio kaj filozofio, sciencoj plej rilataj al perfektigado de la arto gvidi la ŝtaton, oni traktas disdegne ĉie aŭ traktas ĝin tiom utilece, ke ili povas servi nur kiel helpilo al tio, kio estas konsiderata racio. La gvidantoj famiĝas, uzante kaj manipulante humoron de la momento. Ili difinas siajn celojn, pli ofte konsultante fokusajn celgrupojn, ol gvidataj de propra percepto. Ili vidas estontecon kiel projekcion de io kutima. » — Henry Kissinger, Ĉu Usono bezonas eksteran politikon?: Al diplomatio de la 21-a jarcento [2001]

José Ortega y Gasset

	« …historio same kiel agrikulturo dependas de valoj, ne de pintoj, de averaĝaj markiloj de la socia vivo, ne de altodiferenco. » — José Ortega y Gasset, La ribelo de la amasoj (1930)

	« …la mondo kreskis ankaŭ en tempo. Arkeologio terure vastigis historian spacon. Imperioj kaj tutaj civilizacioj, pri kiuj ni hieraŭ eĉ ne supozis, eniras nian konscion kvazaŭ novaj kontinentoj. » — José Ortega y Gasset, La ribelo de la amasoj (1930)

	« Malveras, ke historio estas neprognozebla. Jen kaj jen profetaĵoj plenumiĝadis. » — José Ortega y Gasset, La ribelo de la amasoj (1930)

	« Povo de la publika opinio estas gravito de la politika historio. » — José Ortega y Gasset, La ribelo de la amasoj (1930)

	« La sola grava diferenco de la “natura historio” de tiu homa estas ke la lasta ne povas komenciĝi denove. » — José Ortega y Gasset, La ribelo de la amasoj (1930)

Aliaj aŭtoroj

	« En la komenco la universo estis kreita. Tio kolerigis multajn homojn kaj oni vaste rigardas ĝin kiel malbonan paŝon. »   « In the beginning the Universe was created. This has made a lot of people very angry and been widely regarded as a bad move. » — Douglas Adams, The Restaurant at the End of the Universe

	« Tiomlonge, ke leonoj ne havos siajn historiistojn proprajn, la ĉasrakontoj laŭdos la ĉasiston. » — afrika proverbo

	« La historio ne havas pordojn. Nur muroj ĉirkaŭas ĝin kaj tiuj estas dikaj je pluraj lumjaroj. » — Peter BROWNE, usona esperantisto

	« Ne mallaŭdu la novaĵojn de l’moderneco… tiuj iĝos tiom baldaŭ pasintecon forpasintan, kiun oni priploras. » — R.P.

	« Eĉ la granda historio konsistas el etaj ĉiutagaĵoj. » — Raymond SCHWARTZ, Kiel Akvo de l'Rivero

	« Kiam oni amas vivon, oni amas la pasintecon, ĉar tio estas la estanto tia, kia ĝi transvivis en la memoro homa. » — Marguerite YOURCENAR, franca verkistino.

	« Tio estas ja malbonŝanca, ĉiufoje tiam, kiam ni inventas ion novan, la pasinto kopias nin! » — Jean COCTEAU

	« Oni elfaras amason da belaj ideoj, la tubero en la afero estas la homoj, tiuj ĉion fuŝas. » — Bertolt BRECHT

	« Historio estas la tempo de la hom-al-homa ligo transa de l'morto. » — Catherine BAKER

	« Tio, kio igas nin esti homojn, ne estas alio ol la pasinteco de homaro. » — André COMTE-SPONVILLE

« Kiu scias, kiom da malkovroj atendas nin, pri kiu ni entute ne eĉ konceptas, egale kiel pri la kompaso, la pulvo, aŭ la silko, antaŭ ties eltrovo? Tiuj neatenditaj malkovoroj entute sufiĉis por transformi la mondon, ĝis tia grado, ke neniu imperio, neniu opiniantaro, neniu fatopotenca stelo, ŝajnas esti rezultiginta al la homaj aferoj per pli granda efiko, kaj oni povas diri pli granda sorĉinfluo, ol tiu, kiun elmontris tiuj meĥanikaj elpensaĵoj. » — Francisko BAKONO

	« La historio de la mondo estas ankaŭ la sumo de tio, kio estintus evitebla. »   « Die Weltgeschichte ist auch die Summe dessen, was vermeidbar gewesen wäre. » — Konrad Adenauer

« ...min foje mirigas indiferenteco de multaj gejunuloj rilate historion de regiono, en kiu ili loĝas kaj laboras. Foje oni komencas interparoli kaj subite trovas, ke viaj kunparolantoj komencas la tempokalkuladon ekde tiu momento, kiam ili mem ĉi tien venis. Ĉio alia ilin ne interesas. Tio estas malbone. Malestimo al pasinteco propras al provizoruloj. Mi ĉiam klopodis laŭeble pli ekscii pri tiuj lokoj, kien sendis min la sorto. »   « …меня иногда поражает равнодушие многих молодых людей к истории того края, в котором они живут и работают. Начинаешь порой говорить и вдруг обнаруживаешь, что твои собеседники ведут «летоисчисление» с того момента, как они сами сюда приехали. Все остальное их не интересует. Это плохо. Неуважение к прошлому свойственно временщикам. Я всегда старался как можно больше узнать о тех местах, куда забрасывала меня судьба. » — Farman Salmanov, Siberio — sorto mia

	« La antikvo estas distordita historio aŭ kelkaj postrestaĵoj de ĝi, kiuj pro hazardo povis eskapi la detruanton tempo. » — Roger Bacon