Malfermi la ĉefan menuon
Riĉeco
Riĉeco
Aliaj projektoj
Wikipedia-logo-v2.svg Riĉeco en Vikipedio
Commons-logo.svg Riĉeco en Komuneja kategorio
Wiktionary-logo-eo.png Riĉeco en Vikivortaro
Citaĵo
« La suicida terorismo estis terorismo de malriĉuloj, la nuna terorismo estas la terorismo de riĉuloj. »
— Jean Baudrillard, La spirito de terorismo kaj rekviemo pri la Turoj-Ĝemeloj [2002]
Citaĵo
« Ĉu oni nomas tion demokratio aŭ demokratia socialismo, devas okazi pli bona distribuo de riĉeco en ĉi tiu lando por ĉiuj el la infanoj de Dio. » « Call it democracy, or call it democratic socialism, but there must be a better distribution of wealth within this country for all God’s children. »
— Martin Luther King, Jr., Parolo al la negra usona laborkoncilio (majo 1965)
Citaĵo
« Ĉar la produktiloj estas la kolektiva verko de la homaro, la produkto estu la kolektiva propraĵo de la homaro. Individua proprigo estas nek justa nek utila. Ĉio apartenas al ĉiu. Ĉiuj aferoj estas por ĉiuj homoj, ĉar ĉiuj bezonas ilin, ĉar ĉiuj laboris laŭ sia forto por produkti ilin, kaj ĉar ne eblas taksi ĉies parton de la produktado de la riĉeco de la mondo. »
— Petro Kropotkin, La konkero de pano
Citaĵo
« Se malriĉuloj scius kiom riĉaj estas riĉuloj, oni tumultus en la stratoj. » « If poor people knew how rich rich people are, there would be riots in the streets. »
— Chris Rock
Citaĵo
« Ne ekzistas justeco, kiam tiel malmultaj havas tiel multe kaj tiel multaj havas tiel malmulte. » « There is no justice when so few have so much and so many have so little. »
— Bernie Sanders, Ofta diraĵo ekde lia klopodo de 2016. Traduko de al_ex_an_der en Tatoeba
Citaĵo
« La socio, almenaŭ la civilizita socio, neniam pretas kredi ion damaĝe al tiuj kiuj estas kaj riĉaj kaj fascinaj. Ĝi sentas instinkte ke bonaj manieroj pli gravas ol moralo, kaj…la plej alta respektindeco multe malpli valoras ol la posedo de bona kuiristo. » « Society, civilised society at least, is never very ready to believe anything to the detriment of those who are both rich and fascinating. It feels instinctively that manners are more importan than morals, and … the highest respectibility is of much less value than the possession of a good chef. »
— Oscar Wilde, The Picture of Dorian Grey, Ch.11
Citaĵo
« Kontraŭ malfeliĉo ne defendas eĉ riĉo. »
— Zamenhofa proverbaro
Citaĵo
« Tro rapida riĉiĝo diablon ĝojigas. »
— Zamenhofa proverbaro
Citaĵo
« Mi konas la perfektajn lokojn, kie konstrui loĝejojn por la senhejmuloj: golfejojn. Estas perfekte. Sufiĉe da bona tero en bonaj kvartaloj; tero, kiu nun malŝpariĝas por la senpensa agado de blankaj, bonhavaj negociistaj krimuloj, kiuj uzas la ludon por kuniĝi kaj fari interkonsentojn distranĉi la landon iom pli precize inter si. [...] Tempas, ke realaj homoj reprenu la golfejojn de la riĉuloj kaj transdonu ilin al la senhejmuloj. Golfo estas aroganta, elitisma ludo, kiu plenigas tro da spaco entute en ĉi tiu lando. » « I know just the place to build housing for the homeless: golf courses. It’s perfect. Plenty of good land in nice neighborhoods; land that is currently being squandered on a mindless activity engaged in by white, well-to-do business criminals who use the game to get together so they can make deals to carve this country up a little finer among themselves. [...] It’s time for real people to reclaim the golf courses from the wealthy and turn them over to the homeless. Golf is an arrogant, elitist game that takes up entirely too much space in this country. »
— George Carlin
Citaĵo
« Se streĉa laboro estus tiel bonega afero, certe la riĉuloj retenus ĉiom el ĝi por si. » « If hard work were such a wonderful thing, surely the rich would have kept it all to themselves. »
— Lane Kirkland
Citaĵo
« Se malriĉuloj scius kiom riĉaj estas riĉuloj, oni tumultus en la stratoj. » « If poor people knew how rich rich people are, there would be riots in the streets. »
— Chris Rock
Citaĵo
« Kaj ne gravus eĉ iomete se mi pravus aŭ malpravus;
riĉulon oni kredas vere saĝa. »
 « And it wouldn't make one bit of difference if I answer right or wrong;
when you're rich they think you really know. »
— Tevje, Violonisto sur la tegmento
Citaĵo
« Al malriĉulo ovo kiel al riĉulo bovo. »
— Zamenhofa proverbaro
Citaĵo
« Ĉe riĉulo naskos eĉ virbovo» « Bogatemu to i byk się ocieli. »
— pola proverbo
Citaĵo
« Mono fluas al riĉulo, batoj al malriĉulo. »
— Zamenhofa proverbaro
Citaĵo
« Oni priŝtelas ne riĉulon, sed sengardulon. »
— Zamenhofa proverbaro
Citaĵo
« Pagas ne riĉulo, pagas kulpulo. »
— Zamenhofa proverbaro
Citaĵo
« Pli feliĉa sinjoro sen havo, ol riĉulo sed sklavo. »
— Zamenhofa proverbaro
Citaĵo
« Por riĉulo fasto—por malriĉulo festo. »
— Zamenhofa proverbaro
Citaĵo
« Riĉulo havas grandan parencaron. »
— Zamenhofa proverbaro
Citaĵo
« Riĉulo havas kornojn, malriĉulo dornojn. »
— Zamenhofa proverbaro
Citaĵo
« Riĉulo kiel fajro proksime bruligas, malproksime ne varmigas. »
— Zamenhofa proverbaro
Citaĵo
« Riĉulo veturas, malriĉulo kuras. »
— Zamenhofa proverbaro

Vidu ankaŭRedakti