Feliĉo

Feliĉo
Aliaj projektoj
Feliĉo en Vikipedio
Feliĉo en Komuneja kategorio
Feliĉo en Vikivortaro

Feliĉo estas sento, stato de plenkontenteco; sortofavoro, bona ŝanco.

Citaĵoj

	« Multaj svatiĝas, feliĉulo edziĝas. » — Zamenhofa proverbaro

	« Atentu por ne fali sub radon de ies feliĉo »   « Uważaj, by się nie dostać pod czyjeś koło szczęścia. » — Stanisław Jerzy Lec, Myśli nieuczesane (Nekombitaj pensoj)

	« Necesas havi tro mornan rigardon aŭ observi la homaron el tro nebula foro por opinii ke egalan distribuon de feliĉo oni povas atingi per egala reguligado de la vivo. » — Carl Gustav Jung, Psikologiaj tipoj

	« Ho kiom foje povas feliĉo simili al sinmortigo! » — Franz Kafka

	« La homo devas esti feliĉa. Sed, nu, pri kio ? » — Voltaire

	« Feliĉa oni ne estas : feliĉo, estas nur silentado de l’malfeliĉo. » — Alphonse Daudet, franca romanisto kaj novelisto

	« La plezuroj ne estas sufiĉe solidaj por elteni ke oni funde ilin esploru. » — Fontenelle, franca 18-jarcenta filozofo

	« ...neniu vivo, neniu tempero el iu ajn vivo povus plenumi la promesojn per kiuj mi frenezigis mian kredeman koron. » — Simone de Beauvoir

	« La etaj aferoj ne ŝajnas gravi, sed ili donas pacon. » — Georges Bernanos

	« Kaj fortan vinon mi trinkis, kiel trinkas tiuj, kiuj kuraĝe sin dediĉas je la plezuro. » — Constantin Cavafy

	« Krom kiam temas pri junuloj aŭ ege feliĉuloj, mi ne povas diri ke mi kompatas iun kiu mortas. »   « Except for the young or very happy, I can't say I am sorry for any one who dies. » — William Makepeace Thackeray, Letter to Mrs. Bryan Waller Procter

« Ĉiuj infanoj en la aĝo de du ĝis kvin kredas (kaj sopiregas kredi), ke la vivo estas kreita nur por ĝojo, por senlima feliĉo, kaj tiu kredo estas unu el la plej gravaj kondiĉoj de ilia normala psika kresko. »   « Все дети в возрасте от двух до пяти верят (и жаждут верить), что жизнь создана только для радости, для беспредельного счастья, и эта вера — одно из важнейших условий их нормального психического роста. » — Kornej Ĉukovskij, De du ĝis kvin

	« Kiu serĉas la feliĉon el ĝi, tiu similas al heliko kiu marŝas serĉante sian domon. » — Constancio C. Vigil

	« Mi kredas, ke ĉe ĉiu nivelo de socio - familia, triba, nacia kaj internacia - la ŝlosilo al pli feliĉa kaj pli sukcesa mondo estas la kreskado de kompato. Ni ne bezonas religiiĝi, nek kredi en ideologio. Necesas, ke ĉiu el ni disvolvu niajn bonajn homajn kvalitojn. » — Tenzin Gyatso

	« Se vi volas, ke aliaj estu feliĉaj, praktiku kompaton. Se vi volas esti feliĉa, praktiku kompaton. » — Tenzin Gyatso

Erich Fromm

Fuĝo for de libereco [1941]

	« Ĉe kapitalismo ekonomia agado, sukceso kaj materiala profito iĝis celo en si mem. Sorto de la homo konsistas en tio, ke akceli kreskon de ekonomia sistemo, multigi kapitalon — kaj ne por celoj de propra feliĉo, sed por la kapitalo mem. » — Erich Fromm, Fuĝo for de libereco [1941]

	« Komuna trajto de la tuta aŭtoritata pensado konsistas en konvinko, ke la vivo estas difinata de la fortoj, troviĝantaj ekster la homo, ekster liaj interesoj kaj deziroj. La sola ebla feliĉo konsistas en subiĝo al tiuj ĉi fortoj. » — Erich Fromm, Fuĝo for de libereco [1941]

	« Iluzioj pri si povas servi kiel lambastonoj por tiuj, kiuj ne povas iri sen ili, sed ĝenerale ili malfortigas la personecon. La plej alta forto de la individuo baziĝas sur maksimuma evoluo de sia personeco, kaj tio supozigas maksimuman komprenon de si mem. “Komprenu sin mem” — tio estas unu el la ĉefaj reguloj por la forto kaj feliĉo de la homo. » — Erich Fromm, Fuĝo for de libereco [1941]

	« Homo ĉasas fantomon, iluzian feliĉon nomatan Sukceso, kiu ĉiufoje lasas lin elreviĝinta, tuj post kiam ŝajnis al li ke li atingis finfine kion li deziris. » — Erich Fromm, Fuĝo for de libereco [1941]

La sana socio [1955]

	« Kontentigo de la bezono je la kreado kondukas al feliĉo, la detruemo — al suferado, kaj plej multe suferas la detruanto mem. » — Erich Fromm, La sana socio [1955]

	« La konsumado estis rimedo por atingi la celon, tio estas feliĉon. Nun ĝi transformiĝis je la celo en si mem. » — Erich Fromm, La sana socio [1955]

« Se ni deziras difini feliĉo]]n de kontraŭo, ni devas fari tion, kontraŭstarigante ĝin al ne malĝojo, sed al premiteco. Kio estas la premiteco? Tio estas malkapablo senti, tio estas sento de senviveco dum la korpo vivas. Tio estas malkapablo sperti ĝojon, same kiel malĝojon. Al la homo en premita stato estus oble pli bone, se li povus malĝoji. La stato de deprimiĝo estas tiom neeltebela pro tio, ke la homo malkapablas senti ion ajn — nek ĝojon, nek malĝojon. » — Erich Fromm, La sana socio [1955]

	« Feliĉo estas travivado de pleneco de la ekzistado, sed ne de malpleneco kiun necesas plenigi. » — Erich Fromm, La sana socio [1955]

Roger Bacon

	« Evidentaj kaj okulfrapaj virtoj estigas laŭdon; sed ne ekzistas sekretaj virtoj, kiuj estigas feliĉon. » — Roger Bacon, Opus Maius (ĉ. 1267)

	« Dum la feliĉo malkaŝiĝas ja plej forte la malvirto, sed dum, malfeliĉo la virto. » — Roger Bacon, Pri la malfeliĉo

Morteza Mirbaghian

	« Por esti feliĉa ĉiam infane ridu, ĉiam bonan flankon de la medalo vidu. » — Morteza Mirbaghian

	« Feliĉo samkiel virino bela, malofte al homo estas fidela. » — Morteza Mirbaghian

	« Feliĉas tiu kiu sekvas siajn revojn, kaj dume ne forgesas siajn devojn. » — Morteza Mirbaghian

Aliaj aŭtoroj

« Tio kion oni en strikta senco nomas feliĉo, venas plej verŝajne de subita kontentiĝo, malŝarĝo de bezono, atinginta altan gradon de streĉiteco. Laŭ sia naturo, tio eblas nur kiel epizoda fenomeno. Iu ajn konstanteco, daŭro de la situacio, ege dezirinda de la vidpunkto de principo de plezuro, kaŭzas ĉe ni nur senton de indiferenta kontento. Ni estas kreitaj tiel, ke ni povas ĝui nur se haveblas kontrasto kaj malaltgrade ĝui la staton mem. Do la eblecoj de nia feliĉo estas limigitaj jam de nia naturo. » — Sigmund Freud, Malkontenteco pri la kulturo [1930]

Vidu ankaŭ

• Malfeliĉo
• Ĝojo