Vizaĝo

Vizaĝo estas la antaŭa parto de la homa kapo, de la frunto ĝis la mentono.

	« La helmo de Mackworth, kiun oni surmetis sur infanojn spektantajn televidon, montris ke iliaj okuloj spuras ne agadon, sed reagojn. La okuloj preskaŭ ne dekroĉiĝas de vizaĝoj de aktoroj, eĉ kiam okazas perfortaj scenoj. » — Marshall McLuhan, Komprenante amaskomunikilojn: la interna larĝigo de homo [1964]

« Parto de la malvarma dimensio de televido estas la malvarma, senemocia grimaco, penetrinta tien kune kun adoleskulo. En la epoko de varmaj komunikiloj, radio kaj kino, kaj ankaŭ en la epoko de antikva libro junaĝo estis la tempo de freŝaj, inspiritaj kaj esprimivaj vizaĝesprimoj. Neniu politikisto aŭ grava ŝtatoficisto de la malnova skolo riskus en la 40-aj jaroj surmeti tian senvivan kaj skulptecan vizaĝaĉon, kian portas infano de la televida epoko. » — Marshall McLuhan, Komprenante amaskomunikilojn: la interna larĝigo de homo [1964]

	« Bela per vizaĝo, sed ne bela per saĝo. » — Zamenhofa proverbaro

	« Bela vizaĝo estas duono da doto. » — Zamenhofa proverbaro

	« Bela vizaĝo, sed ne bela la saĝo. » — Zamenhofa proverbaro

	« Kio en koro sidas, la vizaĝo perfidas. » — Zamenhofa proverbaro

	« Kion koro portas, vizaĝo raportas. » — Zamenhofa proverbaro

	« La mondo estas spegulo, kaj ĝi redonas al ĉiu homo la refleton de sia propra vizaĝo. »   « The world is a looking-glass, and gives back to every man the reflection of his own face. » — William Makepeace Thackeray

	« Nur pano kun fromaĝo, sed afabla vizaĝo. » — Zamenhofa proverbaro

	« Oni akceptas laŭ vizaĝo, oni forlasas laŭ saĝo. » — Zamenhofa proverbaro

	« Oni batas ne la aĝon, sed la vizaĝon. » — Zamenhofa proverbaro

	« Peko estas io kio skribiĝas sur la vizaĝo de homo. »   « Sin is a thing that writes itself across a man’s face. » — Oscar Wilde, "La portreto de Dorian Gray" P 148

	« Se en kor' io sidas, vizaĝo perfidas. » — Zamenhofa proverbaro

	« Trafi per la parolo rekte en la vizaĝon. » — Zamenhofa proverbaro

	« Trafi per la vizaĝo en koton. » — Zamenhofa proverbaro

	« Vizaĝo agrabla kaj ungo diabla. » — Zamenhofa proverbaro

	« Vizaĝo de Katono, sed virto de fripono. » — Zamenhofa proverbaro

	« Vizaĝo sen kulpo, sed koro de vulpo. » — Zamenhofa proverbaro

Vidu ankaŭ

• Kapo