Akvo

Akvo estas senkolora, senodora kemia kombinaĵo konsistanta el hidrogeno kaj oksigeno en la proporcio 2:1.

	« Ĉiam pura restas nur larmoj Kaj la akvo de l’fontanoj. »   « Ewig rein bleibt nur die TräneUnd das Wasser der Fontäne » — Joachim RINGELNATZ

	« Akvo ruinigas domon, zorgo ruinigas homon. » — Morteza Mirbaghian

	« Akvo, aero, fajro,...kaj Espero, necesas por la vivo sur la tero. » — Morteza Mirbaghian

Zamenhofa Proverbaro

	« Akvo bolas, murmuras, sed fine ĝi kuras. »

	« Akvo kaj pano servas al sano. »

	« Akvo kura -- akvo pura. »

	« Akvo silenta subfosas la bordon. »

	« Akvo trankvila estas akvo danĝera. »

	« Akvon senmovan kovras putraĵo. »

	« Al fiŝ' kuirita jam akvo ne helpos. »

	« Barakti kiel fiŝo ekster la akvo. »

	« Brogita eĉ sur akvon blovas. »

	« Ĉerpi akvon per kribrilo. »

	« En akvo malklara oni fiŝkaptas facile. »

	« Fajron estingas akvo, pekon pardono. »

	« Ĝi tuŝas lin, kiel akvo anseron. »

	« Kiu akvon evitas, droni ne timas. »

	« Kurbiĝadi kiel diablo en akvo benita. »

	« Li pasis akvon kaj fajron kaj marĉojn kaj marojn. »

	« Volus kato fiŝojn, sed la akvon ĝi timas. »

Vidu ankaŭ

• Maro