Islama fundamentismo

Islama fundamentismo aludas al movadoj kiuj sekvas strikte la indikojn de la Korano kaj de la islama leĝaro ŝario.

Islama fundamentismo
Islama fundamentismo
Aliaj projektoj
Islama fundamentismo en Vikipedio
Islama fundamentismo en Komuneja kategorio

Citaĵoj

Zbigniew Brzeziński

	« …bildo de la islamo en percepto de multaj usonanoj estas preskaŭ speguliĝo de la islamo-fundamentisma bildo de Usono kiel la “granda Satano”. » — Zbigniew Brzeziński, La elekto: tutmonda dominado aŭ tutmonda gvidado [2004]

	« Efektive antaŭ la okupacio de Irako fare de Usono en 2003, sekve de kiu ŝijaismaj teokratiaj streboj akiris fortan impulson, la fundamentisma fenomeno troviĝis ĉefe en estingiĝanta stato. » — Zbigniew Brzeziński, La elekto: tutmonda dominado aŭ tutmonda gvidado [2004]

	« Ankoraŭ ne klaras, kia estos plua evoluo de Irano, sed la tagoj de la fundamentisma teokratio en tiu ĉi lando estas kalkulitaj. Ĝi jam eniris la “termidoran fazon”. » — Zbigniew Brzeziński, La elekto: tutmonda dominado aŭ tutmonda gvidado [2004]

	« …la islama fundamentismo sukcesas inciti kontraŭokcidentan ksenofobion, kiu estas la ĉefa fonto de ĝia vivkapablo. » — Zbigniew Brzeziński, La elekto: tutmonda dominado aŭ tutmonda gvidado [2004]

	« Eble la islamismo estas pli ol nura sukcesa rivalo de la islama fundamentismo. Tiu movado povas esti simptomo de tio, ke la iam vivoplena, sed dormanta en lastaj jarcentoj civilizo, ekspiras denove. » — Zbigniew Brzeziński, La elekto: tutmonda dominado aŭ tutmonda gvidado [2004]

Samuel P. Huntington

	« Simile al revolucia movado, islama fundamentismo rezignas je nacia ŝtato por unueco de islamo, same kiel marksismo rifuzis ĝin por unueco de la proletaro de ĉiuj landoj. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

	« Malserioza supozo de la Okcidento, ke demokratie elektitaj registaroj estos porokcidentaj kaj strebantaj al kunlaboro, fiaskis en neokcidentaj socioj, kie balota kampanjo povas venigi al potenco kontraŭokcidentajn naciistojn kaj fundamentistojn. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

« La ĉefa problemo de la Okcidento estas tute ne islama fundamentismo. Ĝi estas islamo, alia civilizacio, kies popoloj estas konvinkitaj pri supereco de sia kulturo kaj kiujn turmentas la penso pri nekompleteco de ilia povo. Por islamo problemo estas tute ne CIA kaj nek la Ministerio pri defendo de Usono. Ĝi estas la Okcidento, alia civilizacio, kies popoloj estas konvinkitaj pri tutmonda, universala karaktero de sia kulturo kaj kies malkreskanta povo devigas ilin disvastigi sian kulturon tra la tuta mondo. Jen la ĉefaj komponantoj de tiu fuelo, kiu nutras la fajron de la konflikto inter islamo kaj la Okcidento. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

« [pri la milito en Afganio (1979-1989)] …Pakistano estis prokuristo kaj kanalo laŭ kiu alvenis usona mono kaj ĝi konscie transigis 75% de la monfluo al la plej fundamentismaj islamistaj grupoj, ĉe tio 50% de tiu ĉi mono ricevadis la plej ekstremisma sunaisma fundamentisma frakcio subestre de Gulbuddin Hekmatjar. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

Aliaj aŭtoroj

	« Barato estas pli zorgita je la afgana fundamentismo ol je tiu irana kaj oble pli forte maltrankvilas pro financa subteno de islama fundamentismo fare de Sauda Arabio ol pro nepacigeblo de Saddam Hussein. » — Henry Kissinger, Ĉu Usono bezonas eksteran politikon?: Al diplomatio de la 21-a jarcento [2001]

Vidu ankaŭ

• Islamo
• Fundamentismo
• Islama renaskiĝo
• Islamismo