Francisko (papo)

Francisko (latine Franciscus), per civitana nomo Jorge Mario BERGOGLIO (naskiĝis la 17-an de decembro 1936 en Bonaero), estas la nuna romkatolika papo kaj kardinalo el Argentino. Li estas la 266-a papo, la unua neeŭropa post Gregorio la 3-a (kiu regis antaŭ 1200 jaroj) kaj la unua jezuita papo.

Francisko (papo)
Aliaj projektoj
Biografio en Vikipedio
Plurmedioj en Komunejo
Plurmedioj en Komuneja kategorio

Citaĵoj

	« La disdono de riĉeco devas esti postulata. »

	« La vera potenco estas servo. »

	« Ĉiukaze estas la komunistoj, kiuj pensas kiel la kristanoj. Kristo parolis pri socio de malriĉuloj, malfortuloj, marĝenuloj, por permesi al ili decidi. »

	« Kristanoj devas respondi al malbono per bono. »

	« Mi estas pekulo, sur kiu la Sinjoro direktis siajn okulojn. »

	« Homo, kiu volas esti papo, ne multe amas sin. »

	« Homaj rajtoj estas ne nur malobservitaj de terorismo, subpremo aŭ atenco, sed ankaŭ de maljustaj ekonomiaj strukturoj, kiuj kreas grandegajn malegalecojn. »

	« Jen kion mi volas, malriĉa Eklezio por malriĉuloj. »

	« La marksisma ideologio eraras. Sed mi renkontis multajn marksistojn en mia vivo, kiuj estas bonaj homoj, do mi ne sentas min ofendita. »

	« La interreto precipe ofertas grandegajn eblojn por renkontiĝo kaj solidareco, ĉi tio estas io vere bona, donaco de Dio. »

	« Ĉio estas konektita. Zorgo por la medio do devas esti kunigita al sincera amo por niaj kunhomoj kaj firmega sindevontigo solvi la problemojn de la socio. »

	« Nur ŝanĝante edukadon ni povas ŝanĝi la mondon. »