Marjorie Boulton

Marjorie Boulton
Aliaj projektoj
Biografio en Vikipedio
Plurmedioj en Komuneja kategorio

Marjorie BOULTON (naskiĝis la 7-an de majo 1924 — mortis la 30-an de aŭgusto 2017) estis angla aŭtorino, verkanta kaj en la angla lingvo kaj en Esperanto. Ŝia verkaro ampleksas poeziaĵojn, dramojn, novelojn, rakontojn kaj eseojn.

Citaĵoj

La proverbaro de Marjorie BOULTON

	« Lernado era, era, era: kaj vi iam estos klera. »

	« Malforta kandelo venas: mallumo jam ne tute plenas. »

	« Kiu tro certas pri sia vero, kreas inferon sur la tero. »

	« Timigu min, kaj mi obeos honte; konvinku min, kaj mi obeos volonte. »

	« Ke knabo ŝtelis prunon, ne nigrigos la sunon. »

	« Ĉion beligas arda amo; hipopotaminon por hipopotamo. »

	« Prudento ektimas, se promesoj senlimas. »

	« Ore belas la fazano; blue belas genciano. »

	« Pli bone violetoj al persono, ol orkideoj al tombŝtono. »

	« Esploru la kavernon, sed portu lanternon. »

	« Kiu neniam estimas, lia spirito ŝlimas. »

	« Multaj milonoj iĝas milionoj. »

	« Jes, se iel flugus talpoj, ili flugus super alpoj. »

	« Vinoj kolektiĝas en la kelo, kiel volumoj en la libroservo de UEA. »

Aliaj projektoj

Verkoj ĉe Vikipedio

•  Poeto fajrakora: la verkaro de Julio Baghy (1983)