Oro

• Bona gloro pli valoras ol oro.
• Edziĝo laŭ koro, laŭ la kvanto da oro.
• Fajro provas la oron, mizero la koron.
• Granda doto kaj oro, sed mankas la koro.
• Ĝentila kaj trankvila, kun koro el oro.
• Ilo el oro taŭgas por ĉiu laboro.
• Imiti grandsinjoron, perdi baldaŭ la oron.
• Kiu havas oron, havas honoron.
• Manko de oro ne estas malhonoro.
• Matena horo estas plena de oro.
• Ne defendas oro kontraŭ doloro.
• Neniom da oro, sed bona gloro.
• Oni batas la oron, por provi ĝian valoron.
• Oro estas pli peza ol fero, pli malpeza ol aero.
• Oro nur fingron eksvingas kaj ĉion atingas.
• Parolo estas arĝento, oron similas silento.
• Plej certa laboro -- laboro per oro.
• Pli bona estas virto sen oro, ol oro sen honoro.
• Por sia oro ĉiu estas sinjoro.
• Sen laboro ne venas oro.
• Temp' estas valoro simile al oro.

• • Zamenhofa Proverbaro